Love Story

                      Love Story

Ek anjana ek anjani,
Thodi seedhi thodi tedhi ye kahani,
Na kohi raja na kohi rani,
Ek ladka ek ladki dono ajanabi...।।
Ek raat ki baat,
Nahi kohi saath,
Kar rahi thi haath,
Kohi toh ruk jaye,
Lift mil jaye,
Itne me uski kismat chali,
Dekh usse ruki gadi nili,
Usme tha ek ladka akela,
Seedha saadha thoda bhola bhala,
Par ladki thi badi hoshiyar,
 boli tum nahi mei chalaungi car,
Car chalne lagi batein hone lagi,
Ladke ka baat karte sharmana dekh wo hasne lagi,
Phir bhi wo chup hi raha,
Uski nashili aankho me dekhta raha,
Socha na samaza usne muh khola,
Me tumse pyaar karta hu bas itna hi bola,
Uski baatein sun wo chup ho gayi,
Usse galat samaz wo utar gayi,
Ladke ne usse samzana chaha,
Tab tak ladki ne usse good bye kaha...।।
Agle din wo college gayi,
Par phir bhi wo raat ki baat bhula na saki,
Achanak se usse wahi nili gaadi dikhi,
Usme tha wahi ladka,
Usse dekh uska matha bhadka,
Usne usse kaha kyu tu hai mere peeche pada,
Muze pehle se hi hai kisi aur se pyaar hua,
Sunkar ye uski aankh bhar aai,
Wo rone laga uski sari books giri,
Waise hi rote rote wo college ke andar gaya,
Principal se milkar usne apna LC liya,
Usse rote dekh ladki ki sari dost kehane lagi,
Sachha pyaar karta hai wo tuze ye baat kyu samaz na aayi,
Uske ek dost ne uske sare books uthaye,
Hairan hokar ladki ko dikhaye,
Wo book dekh kr ladaki ko kuchh samaz na aaya,
Kya tum hi roj letter bhejate ho muze aakhir puchh hi liya,
Ladke ne kaha muze maaf kar do,
Pyaar karta hu tumhe do saal se galat nahi hu mei tum muze samazo,
Par ab tumhe ghabarane ki zaroorat nahi,
Jaa raha hu ye college chhodkar ab kisi letter ki koi pareshani nahi,
Letter padhte samay tumhe dekh lagta tha tumhe bhi muzse hi pyaar hoga,
Kabhi socha hi nahi meine tumhare dil me koi aur hoga,
Usse phir ek baar maafi mang wo jane laga,
Usse jate dekh ladki ne bas itna bola,
Jaan yaha chhodkar sirf jism kaha chal diya,
Kisi aur se nahi pagal meine bhi sirf tumse hi hai pyaar kiya...।।